ساعة الميدان

مكسورة ...
ياساعة الميدان ومخربه ..
من كام سنة ...
قلبك صحيح هو اللى بان
ولا يكون قلبى انا ..
من يوم ما فاتنى
وجا هنا ...
باصص على وجوه البشر .
يرسم صور للامكنه ...
مرة بألوان الخريف
بهتانه ...
مرة ملونة
كما الربيع ومزوقه
بحروف جميلة
مسوسنه
وانا طيف حزين ..
ساكن عيون الازمنة .
سافر وغاب .
لف البلاد ...
وفى يوم معاد.
ضاعت على شاطى البعاد .
كل المنى ....
وآه ..آه..يا انا
يا ساكنة فى ضلوع الولد
ومربعة ..
وضربه جذرك فى الوريد
ومفرعة ...
اصل الولد هو أنا..
مجنون وعاشق للعيون
الفاتنة ..
مصلوب على العمر اللى
ضاع ..
مستنى حلمه اللى انطوى
بليالى شوقه المحزنه ...
يمكن تعود ؟
بسمة شفاهه اللى اتختفت .
ولا تعود تانى الامال اللى
ابتدات ..
من طول حنينه تكون سراب
وخيال خيوطه مقطعة ...
ما هو طير جريح
فارد جناح ..
ومطبق التانى على عمره اللى
راح ...
يحلم فى يوم يطير بحبه
للسما ..
ولا مرة طار ولا لحظه
طال ..
يكسر حديد شباك
يهدم حيطان وابواب
وينهى المسأله
ما هى اصلها ؟؟
اقدار
وحروف نصيب
متقسمة ...


اخيكم
على ضفاف النيل

ضفاف النيل

يسلمووو على أجمل كلمات وأروع طرح

نورت المنتدى يااخى العزيز

دمت متألق ومبدع

مع أرق تحياتى وتقديرى لك

بأنتظار كل جديدك

تقبل مرورى